ÝENE ÝARYM SAGATDAN...
Ýene ýarym sagatdan gije sagat12- i bolýar. Emma şol
ýarym sagat geçýänçä gije-gündiziňdolanok. Göräýmäge ýarym sagat hiç zat. Ine,
öňümdäki galanja ýyllaram (kim bilýär aýlardyr, günlerdir?) geçmese, ömrüm
dolmaz, doly gutarmaz. Küşdi ömür bilen deňeşdirsek, häzir men endişpilde
(oýnuň jemleýji bölegi, soňy). Debýudy (oýnuň girişini) nähili geçirenimem
bilemok. Çöplerimi çem gelen ýerlere göçüpdirin. Soň, mittelşpilde (oýnuň
ortasy) şonuň üçin kösenmeli bolupdym. Indem, endişpil... Kimler oýnuň soňuny
“utuşly” geçirjek bolup “halk ýazyjysy”, bolmanda “at gazanan” boljak bolup,
soňky güýjüni goýup ýör. Kim bolsa ”Şunça ýyl ýaşan bolsaň gowumy-erbet bir ady
şeýle-de gazanansyň” diýýär, gülýär. Başga biri bolsa, “Seň gülki ýadyňa
düşýär” diýip gatyrganýar. Menem içimden pikir edýän:”Endişpilde-de edil
debýutdaky ýaly gowşak göçümleri edýän bolaýmaýyn?”
Oýny nähili başlanyňa ser salyp bolýar. Oýnuň soňuna
bolsa baha-da berip bilmersiň. Ömrüm manyly gutarsa gowy dälmi näme? Manyly
bolanda nähili bolýar? Şonam, çintgäbersem bilerin öýdemok. Yzymda baýlyk
galmajagymy bilýän. Birki kitap, olam syçanlara iýmitlik bolmagam mümkin. Birki
kino. Olam gury tekje saklap ýatmasa? Iküç dost. Olaram yzýanyň ýa öňýanyň
giderler. Çagalaň? Olaryňam hersiniň öz ömri, ýazgydy, görjekleri bar. Oňa
meniň indi dahylymam ýok diýseňem bolýar. Näme galdy? Gidirlen çöpler, düşülen
duzaklar, ahmyr, arman... Kemine şahyr diýmänmidir “Owal arman, ahyr arman,/
Ýol saldym armana garşy”.
Ýaňy-ýakynda “Kakam bizi nähili gowy görerdi” diýip
ýatlap, gözüme ýaş aýlanymy bilmän galypdyryn. Bolmanda şol söýgüni ödänem
bolsam bolardy. Şonam başarandyryn öýdemok. Şonam diýip kiçeldip aýtmadym. Ol
meniň ilkinji etmeli, ilkinji ödemeli borjum bolany üçin diýdim.
Çöpleriňi aldyryp, utulmaga tarap ýuwaş-ýuwaş göçüm
etmekden kyn zat ýok. Onda-da oýnuň düzgüni şeýle tä utulýançaň göçmeli.
Indiki, ertirki göçümim näme bolar? Bu gün bir derekli göçüm etdimmi? Ýa
düýn?..
Nämäniň derekli, nämäniň dereksizdigi hakynda pikir
edemde bir rowaýat ýadyma düşdi. Bir soltanyň akylly piri bar eken. Ol pir
soltana mydam, o dünýesini ýatladyp gezer eken. Ilki o dünýäň, soň bu dünýäň
aladasyny et diýer eken. Emma soltan adam, o dünýesini bu dünýesinden öňe
geçirip bilýärmi?!
Bir günem soltan pirini alyp gelmegi buýrupdyr. Buýrugy
ýerine ýetirmäge gidenler barsalar, pir süýji ukuda ýatan eken. Emma buýruk
soltandan! Ony berjaý etmän bolmaýar. Piri oýarýarlar hem soltanyň öz huzuryna
çagyrýandygyny aýdýarlar. “Başga wagt tapan dälsiň?!” diýip, käýinjiräp pir
köşge gelýär. Soltan pirini gaharly, bir hili öýkeli ýaly görýär.
-
Pirim, näme göwnüňe degen barmy, ne
beýle gaharlysyň?
-
Nökerleriň meni şu wagt alyp
gaýtmanlarynda bolmadymy? Ne gözel uklapdyryn.
-
Ukudan oýardylar diýip, soltanyň
huzuryna gaşyňy çytyp gelmek gelşiksiz dälmidir?
-
Haý, soltanym. Ýöne bir uky däldi. Düýş
görüp ýatyrdym. Düýşümde meni bir ýurda soltan edýärler. Ýaňy täjimi geýjek
bolup durkamam turuzdylar.
Soltan piriniň bu gürrüňine gülüpdir hem:
-
Seň göreniň düýşdäki bir soltanlyk.
Oýanyp gözüňi açdygyň, ol ýok. Şoňa-da şeýle gynanarlarmy? – diýipdir. Pir hem
soltanyna:
Teswirler (0 sany)
Teswir ýazmak üçin içeri girmegiňizi haýyşt edýäris.