BU GÜN 1-NJI MART!
Goşgular | 1 teswir | 1372 okalan
BU GÜN 1-NJI MART!
G. Ezizowyň 75 ýyllygyna.
Baglaryň daranşy başga,
Asmana garanşy başga,
Bu gün.
Damjalaň paýraýşy başga,
Guşlaryň saýraýşy başga,
Bu gün.
Düzleriň beslenşi başga,
Durnalaň seslenşi başga,
Bu gün.
Daglaryň dumany başga,
Kalbymyň gubary başga,
Bu gün.
Bulutlaň agnaýşy başga,
Bir enäň aglaýşy başga,
Bu gün.
Gyşyň bahara dönüşi,
Gijäň sähere dönüşi,
Başga,
Ähli günlerden başga,
Bu gün.
Teswirler (1 sany)
Teswir ýazmak üçin içeri girmegiňizi haýyşt edýäris.
Tasirli eserler