ÝAGYŞLY GÜNÜŇ SETIRLERI
Goşgular | 0 teswir | 956 okalan
Güýz gününiň ýagyşy deý.
Güýz gününiň ýagyşy deý,
Hiç bir zada ýylym ýok.
Çüýşe ýaňagyna penjiräň
Çeksem-de nagyş
Ojaklaryň ýylysyny islämok..
Hem bilýärin, islenemok.
Ýok, men ýyly däl, ýok, sowuk,
Bolmanda, ýumşak garam däl.
Maňa bakan gidýär gagşap.
Aňryk itip durmuşy men
Ykbalymyň elli ýaşan
Ýüzün darap barýaryn,
Güýz gününiň ýagyşy men.
Güýz gününiň ýagyşy men...
Ýol ýakasynda agaçlaň –
Ýapraklaryndan dynyp,
Çaňlaryndan saplanan
Ýazyksyz, çyplak agaçlaň
Şahasyndan syrygýan,
Bogunlara ýygnanýan,
Hem olara gözýaş bolup
Ýere gaçýan... gaçýan ýere...
Olar maňa dertdeş,
Menem olara...
Ýa çyplak agaçmykalar,
Elli ýaşanlar?
Ömrüniň depesinden,
Aňryk aşanlar,
Teswirler (0 sany)
Teswir ýazmak üçin içeri girmegiňizi haýyşt edýäris.